1. Եթե այս տարին համարվում է ջրային վիշապի տարի, ապա փորձելու եմ հագնվել ոսկեգույն, կապույտ, փիրուզագույն և անպայման սև երանգների մեջ: 2.Եթե նոր տարին ինչպես դիմավորես, այնպես էլ կանցնի, ապա ես կժպտամ անպայման, կսիրեմ անպայման, կաղոթեմ երջանկության համար ու հույս կվառեմ սրտումս....այս գիշեր: 3.Եթե ինչքան անկեղծ շնորհավորում ես դիմացինին, այնքան բարեհոգի է լինում քո հանդեպ վիշապը, ապա ես ամբողջ հոգով շնորհավորում եմ ազգիս, մտերիմներիս, հարազատներիս, կենդանական ու բուսական աշխարհին, քամուն, արևին ու լուսնին.... 4.Եթե ձմեռ պապիկին հավատալը օգնում է հեքիաթային, եթերային, երազային ապրելուն, ուրեմն Ձմեռ Պապ....ես քեզ հավատում եմ, ինձ հուսախաբ չանես... 5.Եթե նախորդ տարվա բեռը մյուս տարի տանել չի կարելի, ուրեմն ես անկախ եմ իմ Վիշապ...Այն ինչ ունեմ, առանց փոփոխության ինձ տուր նաև մյուս տարի, չկորցնես ոչ մեկին, չկոտրես ոչ մի իմ երազ, չվնասես ոչ մի նպատակ... 6.Եթե գիշերը երազանքները իրականանում են, ուրեմն երազանքս քեզ իմ Վիշապ....Ուզում եմ մարդ մնամ նաև այս տարի, դա այնքան մեծ երազանք է, վախենամ նեղություն եմ քեզ տալիս, չէ որ այն կապահովվի իմ երջանիկ լինելը, անհոգ լինելը, սիրված լինելը, անկեղծ լինելն ու ապրելը... 7. Եթե անպայման պետք է Վիշապիկ ունենալ տանը, ապա ես իմ ներսում ապրող վիշապներին նվիրում եմ ՔԵԶ իմ Վիշապ...տար նրանց... 8.Եթե տարին պետք է սկսել այնպես, որ ոչ մի գործ չթողնես հաջորդին, ապա ես կկանգնեցնեմ ժամանակը, կավարտեմ գործերս, մտքերս կդասավորեմ իրենց դարակներում, զգացմունքներիս վրա մի լավ կզայրանամ, որ այլևս չխառնվեն բանականության գործերին, ու ապա կուղեվորվեմ դեպի հոգիս, որ այնտեղից ավլեմ մնացորդ տխրությունը, դաժանությունն ու վատը.. 9. Եթե պետք է նոր տարվա շեմին լավ վարվել մարդկանց հետ, սիրել ու ներել բոլորին, ուրեմն համբուրում եմ քեզ իմ թշնամի, ուրեմն հաջողություն քեզ, այնքան, որ դադարես ինձանով հետաքրքրվել... 10.Եթե ինչ որ ցանկանում եմ այլևս թողնել անցյալում և չհանդիպել հաջորդիվ, ապա քեզ եմ թողնում իմ բոլոր վախերը, Նապաստակ, քեզ եմ թողնում նաև արցունքներս արյամբ ներկված, հույզերս սխալ մարդկանց նվիրված, սերս պատասխան չգտած, երգս չերգված, խոսքերս չարտասանված.... |
Համակարգչի առջև երկար նստելուց առաջանում են մի շարք առողջական խնդիրներ, որոնցից են մկանային ցավերը, մեջքի ցավերը, տեսողության վատթարացումը … Բայց այս վնասների գրեթե կեսը կարելի է կրճատել, եթե ճիշտ ձևով նստենք համակարգչի առաջ, որի համար պետք է հետևել մի քանի հեշտ կանոննների. 
Արգելվում է համակարգչի առջև նստած ոտքը ոտքին գցել, քանի որ դրանից փոքրանում են երակները, ինչի հետևանքով արյան շրջանառությունը օրգանիզմում վատանում է: Ոտքի թաթերը պետք է ամբողջությամբ կպնեն հատակին:
Վիզը պետք է լինի ազատ վիճակում: Համակարգչի էկրանը պետք է լինի Ձեր դիմաց, որի հետևանքով կկրճատվի վզի ծանրաբեռնվաժությունը` այս ու այն կողմ պտտվելուց:
Ճիշտ նստելուց բացի նաև անհրաժեշտ է երբեմն մարզվել: Պետք է կես ժամը մեկ մարզել աչքերը հետևյալ կերպ. սկզբից նաև մոտ կետի, որինակ ձեռ ձեռքում բռնախ մատիտին,իսկ հետո ավելի հեռու հետի,օրինակ պատուհանին: Գոնե մեկ ժամվա ընթացքում մեկ անգամ անհրաժեշտ է ձգել ձեռքերը դեպի վեր, շարժել մատերը: Առնվազն երկուսի երեք ժամը մեկ կանգնել ,քայլել, թուլացնել ոտքեր ու ամբողջ մարմինը: Հնարավորության դեպքում կարելի է այս վարժությունը կրկնել հաճախակի:
